第一站：

    营地街市，品尝瓦煲咖啡同牛杂。

    系关闸搭葡京车到葡京娱乐场，沿住葡京正门对住既果条路（殷皇子大马路）靠右向大三巴方向一直向前行，沿路会有好多金铺。行咗无几远就会过第一条马路啦，而马路对面有间“金至尊”，佢隔离果条行收埋咗一间据说好好吃既蒲蛋挞店“玛嘉烈蛋挞店”，听讲蛋挞要成7蚊一只架！

 继续向前行，经过邮政局后继续向前行，唔好转弯喔，一直行到前面见到“大丰表行”，就系表行隔离条巷行入去就系营地大街啦。入咗大街再行无几远，系右手边就会见到一间叫咗“昌盛玉器公司”，佢既隔离就系“营地街市”啦！

身后果栋就系营地街市啦

上到街市三楼，即我地既四楼就可以稳到胜记瓦煲咖啡同梓记牛杂啦。觉得咖啡味道同平时果D无咩唔同，不过就几滑。牛杂都OK,个冬菇几入味，唔错！

两杯就要17蚊啦！

牛杂要35啊！！好贵下！！经过阿苏既介绍，意两间铺头具红啊，排晒长龙，而隔离果D就门庭冷清。

饮完咖啡吃完牛杂，我地就出发去第站啦！

第二站：

      诱人既椰子雪糕同脆脆既虾子花生。离开营地街市原路出翻营地大街，继续向前行，无几远就到咗果栏街，系度有间用新鲜椰子整既雪糕吃。

店门前挂住好多有囍字既椰子，果度有两间铺头门口都挂住椰子，记住要系蓝色铁闸隔离果间先系啊

除咗椰子雪糕，果度仲有用新鲜芒果做既芒果雪糕，一个字，正！！好好味啊！！

吃完雪糕继续向前行无几远，系左手边既路口度就可以稳到果间有好多只唔同味道既花生卖既店仔“时香”。吃到咗虾子花生，感觉好似花生外边包住一层炸虾片，味道唔错，15蚊包，经济实惠！实在是手信佳品！

 

  第三站：

系卖花生果度行出去就系十月初五街，难道《十月初五的月光》就系果度拍既？

 

发觉澳门D街道牌都几特别喔！！

转出十月初五街后我地向右行，就会见到左手边既“荣晖咖啡美食”，有人气颇高既川杛白芷鱼云米线同鸡汤米线，不过我地既目标系六记炸云吞，所以就无入去吃咯！

过咗荣晖无几远，比我地见到一间据说有80年历史既茶楼“大龙凤茶楼”，唔知点解总令我琳起“龙门客栈”。

之后一直行，行到出大马路就系沙梨头啦。果度有好多街头小吃，好似咩“细龟炒河粉”“勤记腐竹薏米糖水”。不过果D都系夜晚先有，早上去就吃唔到啦！！

我地要稳既系系沙梨头仁慕巷既“六记粥面”，果度有好好吃既炸云吞啊。但稳咗好耐都稳唔到，仲要比人点来点去。不过好在，最尾都比我地稳到。

十月初五街行出来后稳到貌似“勤记甜品”大排档既车仔，不过可惜无得吃。

见到大排档车仔后继续向前行，系马路对面有间叫“永成XX”既野，距隔离条巷入去就系六记啦。（上图陈炳记五金转入去）

好可惜，距要六点先开门，又吃唔到啦！！
唯有过翻对面马路搭6路车去下一个目的地“永安咖啡室”。果度有好吃既匈牙利牛肉同牛脷通粉。如果你唔想坐车都可以沿原路翻去大三巴果边再行过去，不过就远咗小小。我地坐到山顶医院站落车，沿车前进方向继续行，留意左手边第一个大路口，果度就系东望样斜巷啦，转入去后一直行到尽，左边转弯位就系我地要稳既地方啦。

门口又系要等位啊！！具多人啊！

 匈牙利牛肉，真系好软，正！

牛脷通粉卖相嘛嘛地，不过几好吃。两样比起身我中意通粉多D咯。

吃完通粉，打算从东望洋斜巷转入水坑尾街再行伯多禄局长街去翻大三巴街果度买野。竟然意外甘稳到果间有好正既水蟹粥同虾子捞面既“皇冠小馆”

距门口贴满晒名人既相，而且又系要排队既，郁闷！

好多虾子啊！！好好吃！不过甘一碟就40蚊啦！

水蟹粥，意个粥得一个字形容，正！粥劲甜，蟹肉你可以吃得出系好新鲜，而且老细帮你敲碎咗D蟹壳，好容易吃到！

睇下个 蟹盖几多膏！

虾子128一樽仔啊！！好贵啊！！大樽仲要168啊！！

吃到饱上心口之后，我地就去咗稳何生啦！！

之前阿苏有介绍过一间吃辣花甲肉蟹煲同黄金大虾既台山食店，但一直都稳唔到。最后尾，因为我地搭唔到普京车。系普京候车果个门隔离个车站搭咗一部去关闸总站既车。系总站前一个站果度终于稳到果间店。就系车站斜对面天桥脚。具体咩路唔记得啦，如果想去吃可以考虑搭果部车去。